کامیڈین امان اللہ کو مداحوں سے بچھڑے ایک سال بیت گیا

تفصیلات کے مطابق پاکستان شوبزانڈسٹری اورکامیڈی کابڑانام امان اللہ خان، 1954 میں گوجرانوالہ کے غریب گھرانے میں پیدا ہوئے۔ مزاح بچپن سے ہی ان کی طبیعت کا نمایاں حصہ تھا۔امان اللہ نے کامیڈی کا باقاعدہ آغاز 1995 میں تھیٹر سے کیا۔ ابتدا میں چند چھوٹے موٹے کردار ملے لیکن جب شائقین نے پسند کرنا شروع کیا تو تھیٹر کا دوسرا نام امان اللہ پڑگیا، 2006 میں فلم ''ون ٹو کا ون''اور پھر2014میں فلم '' نامعلوم افراد'' میں بھی کردار نبھایا۔

امان اللہ نے ٹی وی شوز میں بھی کا م کیا۔ ہمسایہ ملک بھارت سمیت مختلف ممالک میں اپنی صلاحیتوں کےجوہردکھائے۔اور ملک کا نام روشن کیا، حکومت نے 2018 میں انہیں تمغہ حسن کارکردگی سے نوازا ۔

امان اللہ نے 3 شادیاں کیں، 7 بیٹے اور7بیٹیاں سوگوار چھوڑیں، 2018ء میں انہیں گردوں، پھیپھڑوں اور سانس کی تکلیف ہوئی، 2020 میں ان بیماریوں سے لڑتے دم توڑ گئے۔ ان کوبچھڑےایک برس بیت گیا لیکن کامیڈین امان اللہ کےقہقہےآج بھی شائقین کے دلوں میں دھڑک رہے ہیں۔