ایران : طیارے کی سڑک پر ایمرجنسی لینڈنگ ، 5 افراد زخمی

غیر ملکی خبر رساں ادارے کے مطا بق   نجی کمپنی کے طیارے نے مشہد سے اڑان بھری تھی،طیارے کوفنی خرابی کے باعث اصفہان کی ایک سڑک پرایمرجنسی لینڈنگ کرنا پڑی۔ طیارے میں 119 مسافرسوارتھے،  ایمرجنسی لینڈنگ کے دوران  5 مسافرمعمولی زخمی ہوگئے تھے۔عملے نے مسافروں کو ہوا بھری سیڑھیوں کی مدد سے طیارے سے باہرنکالا۔

خیال رہے کہ  گزشہ برس بھی ایک ایرانی طیارے کوفنی خرابی کی وجہ سے ائیرپورٹ سے باہرسڑک پرلینڈنگ کرنا پڑی تھی۔  بعض اطلاعات کے مطابق اورعالمی پابندیوں کے باعث اسپئیرپارٹس بھی نہیں خریدے جاسکے اور ہوائی کمپنیوں کے پاس موجود طیارے بھی پرانے ہوچکے ہیں ۔