حکومت کسی بھی وقت جاسکتی ہے:خواجہ آصف

تفصیلات کے مطابق پاکستان مسلم لیگ ن کے رہنما خواجہ آصف کا کہنا تھا کہ الیکشن سے قبل تنظیم سازی کا عمل مکمل کر لیا جائے گا ، حکومت کسی وقت بھی جا سکتی ہے نئے الیکشن ہونے کے اثرات نظر آ رہے ہیں۔

ان کا کہنا تھا کہ حکومت کے اپنے سپورٹر اور ووٹر بھی ناکامی کا اعتراف کر رہے ہیں،موجودہ حکومت جو تبدیلی لے کر آئے ہے وہ خرابی کی تبدیلی ہے ۔

خواجہ آصف کا کہنا تھا کہ حکومت ریاست مدینہ کی باتیں کرتی ہے،ظلم کے اوپر ایک حکمرانی کی بنیاد رکھی گئی،نوازشریف کو ایک سوچے سمجھے منصوبے کے تحت ہٹایا گیا اورسابق وزیراعظم کی بیٹی،بھتیجے کو قید کیا گیا۔

ان کامزید کہنا تھا کہ مری میں جو افسوس ناک واقعہ پیش آیا ہے اس سے زیادہ کیا المناک واقعہ ہو سکتاہے، لوگ گاڑیوں میں بیٹھے زندگی کی بازی ہار گئے ، کوئی بچانے والا نہیں تھا ، وزیر اعظم کہتے ہیں عوام موسم کے حالات کو دیکھ کر کیوں نہیں گئے۔