سانحہ مری میں انتقال کرنیوالوں کی تصاویر اور ویڈیوز شیئر کرنا بند کریں:حسن علی

حسن علی نے سماجی رابطے کی ویب سائٹ ٹوئٹر پر پیغام جاری کیا اور لکھا کہ سانحہ مری میں انتقال کرجانے والے افراد کی میت کی تصاویر اور ویڈیوز شیئر کرنا بند کریں۔

Stop sharing images/videos of the deceased, what happened in Murree could have been prevented. My heart goes out to the families of those who lost their precious lives. May The Almighty Allah bless the departed souls... #Murree #Pakistan

— Hassan Ali ?? (@RealHa55an) January 8, 2022

قومی کرکٹر کا کہنا ہے کہ مری میں جو کچھ ہوا اسے روکا جاسکتا تھا، میرا دل ان لوگوں کے خاندانوں کے ساتھ ہے جنہوں نے اپنی قیمتی جانیں گنوائیں، اللّٰہ تعالیٰ مرحومین کی مغفرت فرمائے۔

خیال رہے کہ مری میں 7 جنوری کی رات کو آنے والے برفانی طوفان نے 23 زندگیاں نگل لیں، حکومت نے مری کو آفت زدہ قرار دے کر ایمرجنسی نافذ کردی جبکہ ریسکیو اہلکاروں کی جانب سے امدادی کاموں کا سلسلہ جاری ہے۔