گوادر اور گردونواح میں زلزلے کے جھٹکے

کوئٹہ : گوادر اور گردونواح میں زلزلے کے جھٹکے محسوس کئے گئے ، ریکٹر سکیل پر شدت5  جبکہ گہرائی 25 کلو میٹر  ریکارڈ کی گئی ۔

تفصیلات کے  مطابق  زلزلہ گزشتہ رات دو بجکر 22 منٹ پر  آیا ،  زلزلے کا مرکز گوادر کے قریب ساحل کے قریب زیر سمندر تھا ،  محکمہ موسمیات مکران سب ڈکشن زون میں شدید زلزلے کے خدشات کا اظہار کر دیا ۔

 ڈی جی میٹ ریاض احمد کے مطابق  مکران سب ڈکشن زون میں اتنی توانائی جمع ہو چکی ہے کہ کسی بھی وقت شدید زلزلہ آ سکتاہے ۔ مکران ڈکشن زون میں شدید زلزلے کے باعث سونامی کا بھی خطرہ ہے ۔

ڈی جی میٹ کے مطابق  محکمہ موسمیات نے کچھ عرصہ قبل گوادر میں سونامی سے نمٹنے کیلئے مشقیں بھی کیں ۔