حریم شاہ نے بیرون  ملک  بھاری رقم سمگل کرنے کے بعد ویڈیو جاری کر دی

تفصیلات کے مطابق  معروف ٹک ٹاکر حریم شاہ  منی لاندرنگ کیخلاف کاروائی کے مجاز ادارے ایف آئی اے کو چکما دے گئی ،  حریم شاہ نے پاکستان سے بیرون  ملک  بھاری رقم سمگل کرنے کے بعد ویڈیو جاری کر دی،  حریم شاہ  پاکستان سے لاکھوں یورو لیکر لندن پہنچی ۔

حریم شاہ  نے دعوی کیا ہے کہ  پہلی بار پاکستان سے اتنی بڑی رقم لیکر بیرون ملک لانے کا تجربہ ہوا ،پاکستان سے بھاری رقم لیکر لندن آئی ہوں ، بھاری رقم منتقلی کے دوران خیال کریں کیوں کے حکام پکڑ لیتے ہیں ، مجھے کوئی کچھ کہہ نہیں سکتا بہت آسانی سے پیسے منتقل کیے ۔

حریم شاہ نے کہا کہ  پاکستان کا قانون غریب کو پکڑ تا ہے اس لیے خیال رکھیں،  پاکستانی پیسے اور پاسپورٹ  کی کوئی وقعت نہیں ہے ، پاکستانی روپے جب یورو میں تبدیل ہوتے ہیں تو دکھ ہوتا ہے ، پاکستان ،کرنسی ،اور پاسپورٹ کو اوپر لے جانے کے دعوے کیے جاتے ہیں عمل نہیں ہوتا ۔