مراد راس کا چھٹی جماعت تک بچوں کی حاضری 50 فیصد کرنے کا اعلان

سماجی رابطے کی ویب سائٹ ٹوئٹر پر وزیر تعلیم پنجاب مراد راس نے لکھا کہ  پابندی کا اطلاق صرف لاہور پر ہوگا۔ تمام سرکاری و نجی اسکولوں میں چھٹی جماعت تک کے 50 فیصد طلباء کو ایک دن میں اسکول بلایا جائے گا۔ ساتویں سے بارہویں جماعت کے طلباء کی کلاسز سابقہ شیڈول کے مطابق جاری رہیں گی۔

ANNOUNCEMENT
Only in Lahore:
In all Public & Private Schools, classes up to Grade 6 will be staggered (50% students each day) starting tomorrow January 20th through January 31st, 2022. Classes 7 through 12 will remain on the previous schedule. Please follow COVID SOPs.

— Murad Raas (@DrMuradPTI) January 19, 2022

انہوں نے مزید لکھا کہ   کل سے 31 جنوری تک پابندی کا اطلاق رہے گا۔کورونا ایس او پیز پر عملدرآمد کو ہر ممکن یقینی بنائیں۔

دوسری جانب  این سی او سی نے اپنے ہونے والے اجلاس میں  ان ڈور ڈائیننگ پر پابندی عائد کردی ہے ۔ دس فیصد سے زائد شرح والے شہروں میں انڈور تقریبات پر پابندی عائد ہوگی ۔ 

یکم فروری سے بارہ سال سے زائد عمر کے بچوں کے لیے ویکیسن نیشن لازمی قرار دے دی گئی ہے ۔ آؤٹ ڈور تقریبات میں تین سو افراد شامل ہو سکتے ہیں ۔ 

دس فیصد سے کم والی شرح والے شہروں میں آؤٹ ڈور تقریبات میں پانچ سو افراد شامل ہوسکتے ہیں ۔ لیکن تقریبات میں ویکسنیٹڈ افراد ہی شریک ہوسکیں گے ۔ شادی ہالز پر پابندی کا اطلاق پندرہ فروری تک رہے گا۔ 

این پی آئیز کے حوالے سے دوبارہ اجلاس 27 جنوری کو ہوگا ۔ سکولوں میں بارہ سال تک  بچوں پر پچاس فیصد حاضری کی پابندی عائد  ۔

این سی اوسی  اجلاس میں تعلیمی اداروں کوکھلا رکھنے کا فیصلہ کیا گیا ہے ۔ مزارات اور پارکس 50فیصد گنجائش کیساتھ کھلیں گے  ۔ 10فیصد سےکم شرح والے شہروں میں نئے ایس او پیز ہوں گے۔

این سی او سی نے10فیصدسے زائد شرح والے شہروں میں پابندیاں عائد کردیں۔ ان ڈور جمز کو 50فیصدافراد کی گنجائش کے ساتھ کام کرنے کی اجازت ہوگی۔