ماضی میں چھوٹے سرمایہ کاروں کوبینک قرضے نہیں دیتےتھے: وزیراعظم

تفصیلات کے مطابق وزیراعظم  کا کہنا تھا کہ ایس ایم ایز سیکٹر کو وہ اہمیت دے رہے ہیں جو  کبھی ماضی میں نہیں دی گئی،ایس ایم ایز کیلئے آسانیاں پیدا کررہے ہیں۔

وزیراعظم عمران خان کا کہنا تھا کہ نوجوانوں کے پاس آئیڈیاز زیادہ ہوتے ہیں، چھوٹے کاروبار کو قرضوں کے حصول کےلئے آسانیاں پیدا کی ہیں۔

ان کا کہنا تھا کہ اب ہمیں برآمدات بڑھانے پر توجہ دینا ہو گی،چھوٹے چھوٹے ممالک برآمدات میں ہم سے آگے نکل گئے۔ہمیں شرم آتی ہے اتنی آبادی کے باوجود برآمدات چھوٹے ممالک سے کم ہیں۔

انہوں نے کہا ہے کہ کورونا جیسے بحران کا کسی حکومت نے سامنا نہیں کیا،ماضی میں کسی حکومت کو اتنے بڑے چیلنجز کا سامنا نہیں رہا۔ 

ان کا مزید کہنا تھا کہ ماضی  کی  غلط فیصلوں کی وجہ سے ملک نیچے گیا،ہم نے ایکسپورٹس پر خصوصی توجہ دینی ہے۔