لاہور دھماکے کی زمہ داری بلوچ عسکریت تنظیم نے قبول کر لی

لاہور کے علاقے انارکلی بازار میں آج ہونے والے خوفناک دھماکے کی ذمہ داری نئی بننے والی بلوچ عسکریت تنظیم نے قبول کر لی۔

تفصیلات کے مطابق سابق وزیرداخلہ بلوچستان سرفراز بگٹی نے میڈیا سے گفتگو کرتے ہوئے کہا کہ بلوچ عسکریت تنظیم نےآج لاہورحملےکی ذمےداری قبول کی ہے یہ تنظیم 10دن پہلے بنی ہے جبکہ بلوچ عسکریت تنظیم کی جانب سے ٹویٹر پر ایک پیغام جاری کیا گیا جس میں دھماکے کی زمے داری قبول کی گئی اورکہا گیا ہے کہ مزید تفصیلات کچھ دیر تک شیئر کی جائیں گی ۔

سرفراز بگٹی نے کہا کہ کالعدم یوبی اے اور کالعدم بلوچ ریپبلکن آرمی نے مل کر یہ تنظیم بنائی ہے۔

دوسری جانب انارکلی دھماکے سے متعلق پولیس اورحساس اداروں کی تفتیش جاری ہے اور سی سی ٹی وی فوٹیجز کی مددسے مبینہ دہشت گرد کی شناخت کرلی گئی۔

تفتیشی ذرائع کے مطابق مبینہ دہشت گرد موٹرسائیکل پر جائےوقوعہ تک آیا مبینہ دہشت گرد نےجائے وقوعہ پر ایک بیگ رکھا اور مبینہ دہشت گردکےجانےکے 4 منٹ بعد دھماکا ہوا۔

دھماکےکی ابتدائی رپورٹ آئی جی پنجاب کی جانب سے  وزیراعلیٰ پنجاب کو  پیش کردی گئی ہے جس کے مطابق لاہور دھماکا پلانٹڈ ڈیوائس سے کیا گیا۔

ابتدائی رپورٹ میں کہا گیا ہے کہ دھماکے میں ڈیڑھ کلو بارودی مواد استعمال کیا گیا تھا، دھماکے میں ایک عمارت اور 8 موٹرسائیکلوں کو نقصان پہنچا۔

دھماکے میں 29 افراد زخمی اور 2 جاں بحق ہوئے، جاں بحق افراد میں رمضان اورابصار شامل ہیں۔

لاہور دھماکے میں جاں بحق بچہ ابصار کراچی کا رہائشی تھا۔

ابتدائی رپورٹ کے مطابق  دھماکا ایک بج کر 40منٹ پر ہوا، 1بجکر 44منٹ پر نامعلوم شخص کی کال آئی، کال میں بتایا گیا نیو انار کلی میں دھماکا ہوا۔

اطلاع ملتے ہی لاہور پولیس سمیت انتظامیہ فوری پہنچی، پولیس، فارنزک ایجنسیاں اور دیگر تحققیاتی ادارے جائے وقوعہ پر موجود ہیں۔

بارودی مواد کی تنصیب سے متعلق سی سی ٹی وی کیمروں سے مدد لی جارہی ہے، بعض مشکوک افراد کو گرفتار کیا گیا جن سے تحقیقات کی جارہی ہیں۔

واضح رہے کہ لاہور کے معروف لوہاری گیٹ کے علاقے میں دکانوں کے قریب زور دار بم دھماکا ہوا ہے جس کے نتیجے میں 3 افراد جاں بحق جبکہ متعدد افراد زخمی ہو گئے۔

پولیس کے مطابق سلنڈر پھٹنے سے قریب کھڑی موٹرسائیکلیں جل گئیں۔

زوردار دھماکے کے نتیجے میں متعدد عمارتوں کے شیشے بھی ٹوٹ گئے جبکہ قریب موجود بینک کی عمارت کو شدید نقصان پہنچا ہے۔

دھماکا ہوتے ہی جائے دھماکا پر پولیس، بم ڈسپوزل اسکواڈ، ریسکیو ادارے اور فائر بریگیڈ کا عملہ فوری پہنچ گیا۔

ذرائع کا کہنا ہے کہ دھماکا 2013کےانارکلی دھماکےسےمماثلت رکھتاہے۔دھماکےمیں قوی امکان ہےریموٹ کنٹرول ڈیوائس کااستعمال کیاگیاہو۔

جائے وقوعہ سے ملنے والی مشکوک موٹرسائیکلوں کا ریکارڈحاصل کر لیا گیا ہے۔ جائے وقوعہ سے5 مشکوک موٹرسائیکلیں تحویل میں لی گئی ہیں۔