ایران کے ساتھ مذاکرات پر ہار ماننےکا یہ وقت نہیں:امریکی صدر

غیر ملکی خبر رساں ادارے کے مطابق،  بطور امریکی  صدر وائٹ ہاؤس میں  ایک سال مکمل ہونے پر جوبائیڈن نے  پریس کانفرنس کی۔

امریکی صدر نے  ایران کے ساتھ 2015 کے جوہری معاہدے کی بحالی کے لیے مذاکرات پر  ہار ماننے سے انکار کردیا اور کہا کہ پیش رفت ہورہی ہے لیکن ہار ماننے کا یہ وقت نہیں ۔

امریکی صدر نے کہا کہ  ویانا میں مذاکرات میں شریک ممالک ایران کے معاملے میں ایک پیج  پر ہیں۔

یادرہے کہ سابق امریکی صدر ڈونلڈ ٹرمپ نے 2018 میں جوہری معاہدہ ختم کرنے اور ایران  پر  دوبارہ  پابندیاں عائد کرنے کا اعلان کیا  تھا جس کے بعد ایران نے بھی 2019 میں جوہری سرگرمیاں دوبارہ شروع کرنے کا اعلان کیا۔