وفاق کراچی والوں کواضافی 400 میگاواٹ بجلی دینے پررضامند

تبدیلی سرکار کراچی والوں کو گرمیوں میں لوڈ شیڈنگ سے بچانے کے مشن پر گامزن ہے اور پاورڈویژن حکام نے کے الیکٹرک والوں کو بڑی خوشخبری سنا دی، جس کے مطابق وفاق کراچی والوں کواضافی 400 میگاواٹ بجلی دینے پررضامند ہو گیا  ہے،اپریل سے کے الیکٹرک کو 800 نہیں 1200 میگاواٹ ملیں گے۔

پاورڈویژن حکام نے کہا کہ اضافی بجلی دینے کافیصلہ پاورڈویژن اورکےالیکٹرک حکام کے درمیان اجلاس میں ہوا،کے الیکٹرک اضافی بجلی کیلئے معاہدے کا ڈرافٹ جلد فراہم کرے۔

پاورڈویژن حکام نے مزید  کہا کہ کےالیکٹرک کا انتظام سنبھالنے کی خبریں بے بنیاد ہیں،سوئی سدرن اور کے الیکٹرک مالی معاملات بیٹھ کے حل کریں،2 سال میں کراچی والوں کو 1400 میگاواٹ اضافی دیں گے۔