’ شہباز شریف اور آصف زرداری کا کیس براہ راست نشر کیا جائے ‘

تفصیلات کے مطابق وفاقی کابینہ کے اجلاس کے بعد پریس کانفرنس کرتے ہوئے وفاقی وزیر فواد چودھری نے کہا ہے کہ ہائی پروفائل اور اہم مقدمات کی سماعت براہ راست دکھائی جانی چاہیے،  شہباز شریف کا کیس براہ راست نشر کیا جائے ، آصف زرداری کا اومنی کیس بھی براہ راست دکھایا جائے، عثمان مرزا ، نور مقدم کیس کا ٹرائل بھی براہ راست نشر کیا  جائے۔

فواد چودھری نے کہا کہ 15روز  سے بڑھاکر 45 روز  کیس کا چالان پیش کر نے کی تجویز  ہے  ، جج کی طرف سے کیس کا التوا ہوگا تو اس کیخلاف کارروائی ہوگی ،   کریمنل کیسز میں کمی سےمالیاتی کیسز میں بھی کمی آئے گی ۔انہوں نے کہا کہ   اگر متعلقہ جج مناسب وجوہات بیان نا کر سکا تو کارروائی ہو گی،ایس ایچ او کی تعلیمی قابلیت کم از کم بی اے لازمی ہو گی، پراسیکیوشن کے دائرہ اختیار کو بھی بڑھایا جا رہا ہے،  ہر کرمینل کیس کا فیصلہ 9 ماہ  میں کرنا ہوگا ، 9ماہ میں فیصلہ نہ کرنے پر جج چیف جسٹس کو وجہ لکھ کر دیگا۔

فواد چودھری نے پولیس کو ضمانت کی پاور دی جارہی ہے ، چیک کے مقدمات میں ضمانت ہوسکے گی، پلی بارگین کرمینل مقدمات میں شامل کررہے ہیں ، ایس ایچ او کم از کم بی اے پاس ہوگا ۔ ماڈرن ڈیوائسز کو شواہد کی فہرست میں شامل کیا جا رہا ہے۔

انہوں نے کہا کہ کرپشن سے متعلق رپورٹ کا جائزہ لے رہے ہیں، کابینہ اجلاس میں ٹرانسپرنسی انٹرنیشنل کی رپورٹ پر بھی گفتگو ہوئی ، پاکستان کا سکور رول آف لاء کے باعث نیچے گیا ، فنانشل کرپشن میں اضافہ نہیں ہوا ، پاکستان میں روول آف لاء پر کام کرنے کی ضرورت ہے۔ کرمینل جسٹس ریفارمز سے ر ول آف لاء میں بہتری آئے گی۔