بلدیاتی قانون کیخلاف ایم کیو ایم کی احتجاجی ریلی ، پولیس کی مظاہرین پر شیلنگ ، لاٹھی چارج

تفصیلات کے مطابق بلدیاتی قانون کیخلاف ایم کیو ایم کی احتجاجی ریلی ج نے  رکاوٹیں ہٹاکر وزیراعلیٰ ہاؤس کے سامنے دھرنا دے دیا۔پولیس کی  جانب سے مظاہرین کو منتشر کرنے کیلئے آنسو گیس کی شیلنگ اور لاٹھی چارج کردیا گیا۔آنسو گیس کی شیلنگ سے کئی کارکنان کی حالت غیر ہوگئی۔پولیس کی شیلنگ سے ایم کیو ایم کی ایک خاتون کارکن  بے ہوش ہوگئیں ۔

مشتعل مظاہرین کی جانب سے پولیس پر پتھراو کیا جا رہا ہے۔احتجاج کے باعث اطراف کی سڑکوں پر ٹریفک جام ہوگیا۔

پاکستان تحریک انصاف کے رہنما و پارلیمانی لیڈر سندھ اسمبلی خرم شیرزمان کا کہنا ہے کہ  ایم کیو ایم پاکستان کے مظاہرین پر پولیس تشدد کی مزمت کرتے ہیں، خواتین ،کارکنان پر آنسو گیس کی شیلنگ شرمناک ہے، بلدیاتی بل کیخلاف جمہوریت پسند جماعتوں کو انتقام کا نشانہ بنایا جارہا ہے۔

خرم شیر زمان نے کہا کہ پیپلز پارٹی کی اپوزیشن جماعتوں کے احتجاج سے ٹانگیں کانپ رہی ہیں، پولیس کے ڈنڈے جرائم پیشہ افراد پر کیوں نہیں چلتے؟ پولیس کو سندھ حکومت نے سیاسی گنڈہ گردی کیلئے رکھا ہوا ہے، سندھ حکومت شہر کے ماحول کو سازگار رکھنا نہیں چاہتی، تشدد اور لاٹھی چارج سندھ حکومت کی گھبراہٹ کا منہ بولتا ثبوت ہے، سندھ حکومت کا علاج گورنر راج کے سوا اور کچھ نہیں ہے،  سیاسی جماعتوں کے کارکنان کی گرفتاریوں کی مزمت کرتے ہیں۔