وزیر اعظم آج فیصل آباد کا دورہ کریں گے 

تفصیلات کے مطابق  وزیر اعظم عمران خان آج فیصل آباد کا دورہ کریں گے اور صحت کارڈ اجراء کی تقریب میں شریک ہونگے ۔ وزیر اعظم کے دورہ کے حوالے سے تمام تر سیکیورٹی انتظامات مکمل کر لیے گئے ہیں ۔ 

ذرائع کے مطابق وزیر اعظم عمران خان کے دروہ فیصل آباد کے لیے ترتیب دیے گئے پروگرام کے مطابق وزیر اعظم خصوصی طیارے کے ذریعے فیصل آباد ائیر پورٹ پہنچیں گے جہاں سے ہیلی کاپٹر کے ذریعے زرعی یونیورسٹی آئینگے اور وہاں  صحت  کارڈ کے اجراء کی تقریب میں شرکت کے موقع پر خطاب بھی کریں گے۔

وزیر اعلی ٰ پنجاب عثمان بزدار اور دیگر وفاقی و صوبائی وزراء بھی تقریب میں شرکت کریں گے، وزیر اعظم کی سیکیورٹی کے لیے گیارہ سو پولیس اہلکار ڈیوٹی دیں گے۔  وزیر اعظم عمران خان  زرعی یونیورسٹی وائس چانسلر کے دفتر میں گوجرانوالہ اور منڈی بہاؤ الدین کے ارکان اسمبلی ملاقات کریں گے ۔  دورہ فیصل آباد کے دوران وزیراعظم کی مقامی صنعت کاروں اور سیاسی شخصیات سے ملاقاتیں بھی متوقع ہیں ۔