سپریم کورٹ نے راوی اربن ڈویلپمنٹ اتھارٹی  کیس کا تحریری حکمنامہ جاری کردیا

تفصیلات کے مطابق عدالت نے 31 جنوری کی سماعت کا تحریری حکمنامہ جاری کردیا ہے،  12 صفحات پر مشتمل حکمنامہ جسٹس اعجازالاحسن نے تحریر کیا۔

حکم نامے میں کہا گیا ہے کہ  اس کیس میں ایسے آئینی اور قانونی نکات اٹھائے گئے جن کا گہرائی کے ساتھ جائزہ لینا ضروری ہے۔عدالت نے پنجاب حکومت کے وکیل سے پوچھا کہ ہائیکورٹ میں انٹراکورٹ اپیل دائر کیوں نہیں کی گئی۔ پنجاب حکومت کے وکیل نے جواب دیا ایسے قوانین کو کالعدم قرار دیا گیا جن کے ریلیف کا فورم سپریم کورٹ ہی ہے۔

عدالت نے کہا کہ  مقدمے میں اٹھائے گئے قانونی نکات کا جائزہ لینے کے لیے پنجاب حکومت کی اپیل مشروط طور پر منظور کی جاتی ہے۔

خیال رہے کہ  گزشہ ماہ لاہور ہائیکورٹ نے راوی اربن پراجیکٹ کو کالعدم قرار دے دیا تھا۔