اتحادیوں کے بغیر بھی عدم اعتماد کامیاب ہوجائے گا، شاہد خاقان عباسی کا بڑا دعویٰ

جی این این کے پروگرام  "فیس ٹوفیس" میں مسلم لیگ ن کے رہنما شاہد خاقان عباسی نے بڑا دعوی کیا ، سابق وزیر اعظم  نے کہا ہے کہ حکومتی اتحادیوں کی ضرورت نہیں ہے ، اتحادیوں کے بغیر بھی عدم اعتماد کامیاب ہوجائے گا۔

شاہد خاقان عباسی نے کہا کہ ہمارے ممبران کی تعداد 162 ہے جبکہ حکومت کو 10 ممبران کی ضرورت ہے۔اینکرعائشہ بخش کے سوال کہ وہ  10 ممبران آپکے ساتھ تو نہیں آئیں گے پر جواب میں شاہد خاقان عباسی نے کہا کہ یقین کریں اس سے بہت ذیادہ آجائیں گے۔

اتحادیوں کے بغیر بھی عدم اعتماد کامیاب ہوجائے گا، شاہد خاقان عباسی کا بڑا دعویٰ @AyeshaBakhsh @Shahidmasooddr @PTIofficial @pmln_org #KhabarHai #GNN pic.twitter.com/cgkulXledu

— GNN (@gnnhdofficial) February 11, 2022

پروگرام میں بات کرتے ہوئے سابق وزیر اعظم شاہد خاقان عباسی نے کہا کہ  حکومت گراکرنئی حکومت نہیں بنانی چاہیئے، سیدھا نئےانتخابات کی طرف جاناچاہیئے، اگرکوئی اعتمادکاووٹ نہ لے پایاتواسمبلی اپنے آپ ٹوٹ جاتی ہے۔  نئےانتخابات کے بغیر حکومت بناناملک کا وقت ضائع کرناہوگا۔

ان کا کہنا تھا کہ ملکی سیاسی صورتحال پر پوری طرح نظر ہے، پیپلزپارٹی کو میں نے نہیں شوکاز نوٹس نہیں دیا تھاپی ڈی ایم نے دیا تھا، پیپلزپارٹی کو شوکاز نوٹس دینے کا فیصلہ میرا نہیں تھا،9جماعتوں کا فیصلہ تھا۔