اپوزیشن کے پاس نہ نمبرز ہیں اور نہ ہی انہیں گیم کا علم ہے، عثمان بزدار

تفصیلات کے مطابق وزیراعلیٰ پنجاب سردار عثمان بزدار نے کہا ہے کہ  اپوزیشن کے عدم اعتماد کے کھوکھلے نعروں سے ہوا نکل چکی ہے۔ اتحادی پاکستان تحریک انصاف کے ساتھ ہیں اورساتھ رہیں گے۔ اتحادیوں کے ساتھ بہترین ور کنگ ریلشن شپ ہے۔

عثمان بزدار نے کہا کہ  اپوزیشن کی سیاسی عدم استحکام پیدا کرنے کی کوئی کوشش کامیاب نہیں ہوگی۔ اپوزیشن کے پاس نہ نمبرز ہیں اور نہ ہی انہیں گیم کا علم ہے۔ بد قسمتی سے اپوزیشن کے پاس نہ کوئی ایجنڈا ہے نہ کوئی پروگرام،  پراپیگنڈا کی سیاست اپوزیشن کا وطیرہ ہے۔ان کا کہنا تھا کہ  مخالفین صرف پوائنٹ سکورنگ کرنے میں مصروف ہیں۔ ایسے عناصر کو پہلے بھی ہزیمت اٹھانا پڑی اور آئندہ بھی ناکامی کاسامنا کرنا پڑے گا۔