کار اور ٹریکٹر ٹرالی میں خوفناک تصادم، 3افراد جاں بحق

تفصیلات کے مطابق  افسوس ناک حادثہ پنجاب کے شہر عارف والا کے نواحی گاؤں 63 ای بی پر پیش آیا ،جہاں کار اور ٹریکٹرٹڑلی کے درمیان ٹکر سے تین افراد موقع پر جان سے ہاتھ دھو بیٹھے جبکہ دو کے زخمی ہونے کی اطلاعات ہیں ۔حادثے کی اطلاع ملتے ہی پولیس ریسکیو ٹیمیں موقع پر پہنچ گئیں اورامدادی کارروائیوں شروع کردیں ۔ ریسکیو کے مطابق زخمیوں کو نکالنے کے لیے کار کے مختلف حصوں کو کاٹا جا رہا ہے جبکہ  جاں بحق اور زخمیوں کا تعلق ملتان سے بتایا جارہاہے۔

واضح رہے کہ عالمی ادارہ صحت کے مطابق پاکستان میں سالانہ 35 ہزار لوگ سڑک حادثات میں جاں بحق ہوجاتے ہیں، جبکہ 50 ہزار سے زائد افراد زخمی اور عمر بھر کی معذوری سے دوچار ہوتے ہیں۔ حکومتی رپورٹ کے مطابق پاکستان میں ہر پانچ منٹ کے بعد ٹریفک حادثہ پیش آتا ہے، جس میں کوئی نہ کوئی شخص زخمی یا  جاں بحق ہوجاتا ہے۔