بونیر میں ٹریفک حادثہ ، ایک ہی خاندان کے 4افراد جاں بحق،2زخمی

تفصیلات کے مطابق بونیر روڈ پر  موٹر کار میں  سوار  6 افراد ماربل سے بھرے ٹرک کے نیچے دب گئے۔ ماربل سے بھرا ٹرک مردان کی طرف جبکہ موٹر کار میں سوار خاندان بونیر جارہا تھا ۔ حادثے کی اطلاع ملتے ہی  ریسکیو 1122 کی ریکوری ٹیم ٹرک تلے دبے موٹر کار میں پھنسے افراد کو نکالنے کے لیے  پہنچ گئے۔ ممبر قومی اسمبلی شیراکبر خان نے امدادی کاروائی میں حصہ لیا اور پولیس ریسکیو 1122 ٹیم کو فوری طور پر اطلاع دی ۔

 ریسکیو 1122 ریکوری ٹیم نے مشینری کا استعمال کرتے ہوئے ٹرک اور موٹر کار کو کاٹ کر 2 لاشیں نکال لیں ۔ موٹر کار میں پھنسے باقی افراد کو نکالنے کے لیے  ریسکیو  1122 کی امدادی کاروائی جاری ہے۔

 حادثے میں  کار میں سوار 4 افراد موقع پر ہی دم توڑ گئے  جبکہ 2 شدید زخمی ہیں ، جا ں بحق  ہونے والوں میں ارشد اسکی بیوی 6 سالہ بیٹا اور 4 سالہ بیٹی شامل ہیں ۔