جنیفر لوپز اور الیکس روڈریگز نے علیحدگی کی خبروں کی تردید کردی

غیر ملکی خبر رساں ادارے کے مطابق گلوکارہ جنیفر لوپز اور ان کے منگیتر  الیکس روڈریگز نے  ایک مشترکہ بیان میں علیحدگی کی  تمام رپورٹس غلط قرار دے دی  ہیں۔انہوں نے کہا کہ    نہ وہ  باضابطہ طور پرعلیحدہ ہوئے ہیں  اور نہ ہی  اس کے بارے میں بات کی ہے،   وہ  اب بھی ساتھ ہیں۔

ابتدائی طور پر یہ اطلاع ملی تھی کہ سپر اسٹار جوڑے ابھی بھی اپنی شادی کی منصوبہ بندی کر رہے تھے ،لیکن  انہیں وبائی امراض کی وجہ سے تاخیر کرنا پڑی۔

لیکن جمعہ کے روز میڈیا پرخبریں چلائی گئیں کہ  جنیفر لوپز اور الیکس روڈریگزعلیدگی اختیار کرچکے ہیں اور انہوں نے اپنی منگنی ختم کردی ہے۔

دونوں سپر اسٹاز  نے 2017 میں ڈیٹنگ کا آغاز کیا اور  مارچ 2019 میں اپنی منگنی کا اعلان کیا تھا۔ جبکہ دونوں کو کورونا  کی وجہ سے دو بار اپنی شادی ملتوی کرنا پڑی تھی۔