سی ای او وسیم خان کے ہاتھ بندھے ہوئے ہیں ، شیعب اختر

سمارٹ سپورٹس گالا کی اختتامی تقریب سے قومی کرکٹ ٹیم کے سابق فاسٹ باؤلر شعیب اختر نے  گفتگو کرتے ہوئے کہا کہ  سی او وسیم خان کے ہاتھ بندھے ہوئے ہیں، جب تک آپ معمولی  بندے لاتے رہو گے تو ٹیم معمولی  رہے گی،محمد وسیم اور وسیم خان اچھے بندے ہیں کوشش کر رہے ہیں۔

شعیب اختر نے کہا کہ  عماد وسیم کا باہر کرنا نہیں بنتا ، کلب کرکٹ میں چاچے، مامےوہ لوگ جو کھیلانے والے تھے ان کو آنا چاہیے،صرف راشد لطیف ہیں جو فری میں لڑکوں کو کھیلا رہے ہیں۔

سابق فاسٹ باؤلر  شعیب اختر کا کہنا ہے کہ  ہندوستان پاکستان کے میچز ہونے چاہیے، ہندوستان کو پاکستان کی ضرورت ہے، بگ تھری کا مال ہے وہ نہیں دینا چاہتے،پی سی بی کو پیسے کمانے کیلئے اقدامات کرنے چاہیے۔

شعیب اختر نے کہا کہ  کشمیر، جی بی اور گوادر ہمارے اہم علاقے ہیں، ہمیں وہاں کے ٹیلنٹ کو پروموٹ کرنا چاہیے،گوادر کا کرکٹ گراؤنڈ بہت اچھا گراونڈ ہے۔  کے آر ایل کا کرکٹ گراؤنڈ کو میرے نام سے منسوب کیا گیا،ہمارے بچے ہلال پیسے کمائیں انہیں بڑھنا چاہیے۔