مقبوضہ کشمیر: بھارتی ریاستی دہشتگردی  جاری ،3 کشمیری نوجوان شہید 

کشمیرمیڈیاسروس کے مطابق بھارتی فوجیوں نے نوجوانوں کو سرینگر کے علاقہ نوگام میں محاصرے اورتلاشی کی ایک کارروائی کے دوران شہید کیا۔ فوجیوں نے علاقے کے تمام داخلی اور خارجہ مقامات کی ناکہ بندی کردی اور لوگوں کو گھرسے باہر نکلنے کی اجازت نہیں دی ۔

آخری اطلاعات آنے  تک علاقے میں فوجی کارروائی جاری تھی ۔ ریلوے حکام نے بانہال سے بارہمولہ تک ریل سروس کو معطل کردیا ہے ۔

یاد رہے کہ گزشتہ دنوں بھی مقبوضہ کشمیر میں بھارتی فوج کی ریاستی دہشت گردی میں  چار کشمیری نوجوان شہید کر دیا گیا تھا۔