پی ٹی آئی کے ایک اور رکن قومی اسمبلی نے حکومت سےبغاوت کردی

اپنے ویڈیو بیان میں عامر طلال کا کہنا تھاکہ افسوس عمران خان اور ان کی ٹیم نے ساڑھے تین سال میں کچھ نہیں کیا۔

ان کا کہنا تھاکہ ساڑھے 3 سال میں اپنے حلقے کا کوئی ایک ترقیاتی کام نہیں کراسکا، عوام کو مہنگائی میں دیکھتا ہوں توبتائیں مجھے کیا فیصلہ کرنا چاہیے؟

انہوں نے کہا کہ تحریک عدم اعتماد کے سلسلے میں کسی سے ایک روپیہ بھی نہیں لیا لیکن حکومت کے ارسطو وزرا ٹی وی پر آکر بے بنیاد الزامات لگاتے ہیں، اللہ ان سے پوچھے گا۔

عامر طلال گوپانگ کا کہنا تھاکہ عدم اعتماد کے دن پارلیمنٹ ضرورجاؤں گا، عوامی رائے اور اپنے ضمیر کے مطابق فیصلہ کروں گا۔