وفاقی وزرا کا ترین گروپ سے رابطہ ، انتہائی قدم نہ اٹھانے کی درخواست

تفصیلات کےمطابق ترین گروپ کے رہنما عون چوہدری نے دعویٰ کیا  ہےکہ وزیر دفاع پرویزخٹک نے رات گئے ان سے رابطہ کیا۔عون چوہدری کے مطابق پرویز خٹک نے کہا کہ اہم فیصلے روک لیں ہم جلد اہم پیش رفت سے آگاہ کریں گے۔

ذرائع  کےمطابق عون چوہدری سے گفتگو میں  پرویزخٹک نے ترین گروپ سے فوری طور پر انتہائی قدم نہ اٹھانے کی درخواست کردی۔

دوسری جانب  ذرائع کا کہنا ہے کہ وفاقی وزیر فواد چوہدری نے بھی ترین گروپ کے عون چوہدری سے ٹیلی فونک رابطہ کیاہے۔