مریم نوازکی طبیعیت اچانک  ناساز

تفصیلات کے مطابق نائب صدر مسلم لیگ ن مریم نواز کی طبیعیت ناساز ہونے کی وجہ سے ن لیگ کا  سوات میں ہونے والا جلسہ بھی منسوخ کردیا گیا ہے ۔

ن لیگ کی ترجمان مریم اورنگزیب کا اس حوالے سے کہنا ہے کہ مریم نواز کو تیز بخار کے باعث ڈاکٹرز نے سفر سے منع کیا ہے، خیبرپختونخوا خاص طور پر اہل سوات سے معذرت خواہ ہیں۔

رکن پنجاب اسمبلی اور مسلم لیگ ن کی رہنما حنا پرویز بٹ نے سماجی رابطے کی ویب سائٹ  ٹوئٹر پر جاری بیان میں مریم نواز کی طبیعت کے حوالے سے بتایا۔ انہوں نےکہا  کہ مریم نواز شریف کی اچانک طبیعت خراب ہو گئی، لہذا سوات گراسی گراؤنڈ میں ہونے والا جلسہ ملتوی کر دیا گیا ہے۔ انہوں  نے  مریم نواز کی صحت و تندرستی کے لیے دعا بھی کی ۔ 

Due to sudden illness of Vice President PMLN Maryam Nawaz Sharif. The rally in Swat Grassy Ground which had to be held today has been postponed.

Praying for the good health and wellness of Maryam BB ??

— Hina Parvez Butt (@hinaparvezbutt) March 22, 2022

اس حوالےسے پارٹی ذرائع کا کہنا ہے کہ جلسے کے شیڈول کا اعلان جلد کیا جائے گا۔ 

واضح رہے کہ گزشتہ ہفتے مسلم لیگ ن کی نائب صدر مریم نواز شریف نے سیاسی سرگرمیاں دوبارہ شروع کرنے کا فیصلہ کیا تھا اور 22 مارچ کو انہیں سوات کے دورے کے موقع پر گراسی گراؤنڈ میں عوامی اجتماع سے خطاب کرنا تھا۔