وزیراعلیٰ پنجاب سے اراکین صوبائی اسمبلی کی ملاقاتیں

تفصیلات کے مطابق   وزیراعلیٰ پنجاب سردار عثمان بزدار  سے صوبائی وزیر اسد کھوکھر،غضنفر عباس چھینہ، سردار شہاب الدین، حنیف پتافی، غزین عباسی، نذیر احمد خان اور سید افتخار گیلانی نے ملاقاتیں کی ہیں ۔

اراکین اسمبلی  نے وزیراعلیٰ عثمان بزدار کی قیادت پر مکمل اعتماد کا اظہار کیا ۔ اراکین اسمبلی سے  ملاقات میں وزیراعلیٰ پنجاب سردار عثمان بزدارنے کہا کہ  اپوزیشن نے اپنے غیر جمہوری طرز عمل کو بے نقاب کر دیاہے،عوام بخوبی جانتے ہیں کہ انتشار کون پھیلا رہا ہے اور بے لوث خدمت کون کر رہا ہے۔ 

وزیراعلی ٰ نے کہا کہ عاقبت نااندیش عناصر صرف سیاست برائے اقتدار کیلئے ملک و قوم کی تقدیر کو داؤ پر لگا رہے ہیں۔ موجودہ حالات میں ملک کسی بھی انارکی یا افراتفری کا متحمل نہیں ہو سکتا۔ ان کاکہنا تھا کہ  ملک کو استحکام کی ضرورت ہے انتشار کی نہیں، کسی کو ملک کے تابناک مستقبل سے نہیں کھیلنے دیں گے۔ 

چیف وہپ پنجاب اسمبلی ایم پی اے سید عباس علی شاہ بھی اس موقع پر موجود تھے۔