لاہور ٹیسٹ: آسٹریلیا کی پاکستان کیخلاف بیٹنگ جاری

تفصیلات کے مطابق آسٹریلیا نے سیریز کے تیسرے ٹیسٹ کے دوسرے دن کے کھیل کا آغاز 232 رنز 5 وکٹ کے نقصان سے کیا۔

گزشتہ روز پاکستان کی جانب سے شاہین آفریدی نے ایک ہی اوور میں وارنر اور لبوشین کو چلتا کیا، عثمان خواجہ 91 اور اسمتھ 91 رنز بناکر نمایاں رہے۔ نسیم شاہ نے بھی 2 کھلاڑیوں کو پویلین بھیجاجبکہ ایک وکٹ ساجد خان نے حاصل کی تھی۔

آسٹریلیا کی کراچی میں کھیلنے والی ٹیم ہی لاہور ٹیسٹ کے لیے برقرار ہے البتہ پاکستان کے سکواڈ میں بابراعظم، محمدرضوان، شاہین آفریدی کے علاوہ عبداللہ شفیق، فوادعالم ، اظہرعلی، نعمان علی اور ساجد خان ٹیم کا حصہ ہیں ۔ امام الحق اور حسن علی کو بھی ٹیم میں شامل کیا گیا ہے جبکہ فہیم اشرف کی جگہ نسیم شاہ تیسرا ٹیسٹ میچ کھیل رہے ہیں۔

پاکستان کرکٹ بورڈ کی جانب سے  اپنے ٹوئٹر اکاؤنٹ پر لاہور ٹیسٹ کے پہلے دن کے کھیل پر مشتمل ایک مختصر ویڈیو بھی شیئر کی ہے۔

Good morning from Lahore! Both squads will be looking to gain the upper hand today ?? #BoysReadyHain l #PAKvAUS pic.twitter.com/P7BLqSRQbU

— Pakistan Cricket (@TheRealPCB) March 22, 2022