شہباز شریف کا براڈشیٹ کی طرف سے باضابطہ معافی مانگنے پر تشکر کا  اظہار

ایک  بیان میں شہباز شریف نے کہا کہ 22 سال چھان بین کرنے والے نے اعتراف کیا کہ نوازشریف اوران کا خاندان بے  قصور ہے، صدشکر اوراحسان اس ذات پاک کاجس نے تحقیق کرنے والوں سے ہی اعتراف کرایا۔ 
 
شہباز شریف  نے کہا کہ تحقیق کرنے والوں نے اعتراف کیا کہ یہ سب سیاسی انتقام تھا، مشرف سے دورِنیازی تک 22 سال باریک بینی سے چھان بین کی گئی، کاوے موسوی نے تسلیم کیا کہ ناجائز دولت کا کوئی سا بھی ثبوت نہیں ملا، کاوے موسوی کا بیان دراصل نیب نیازی گٹھ جوڑ پر فرد جرم ہے۔

یہ ہماری ملک اور عوام کی خدمت کا اعتراف ہے جو اللّٰہ تعالیٰ نے تفتیش کرنے والوں سے ہی کرایا ہے

اسے کہتے ہیں اللّٰہ کی لاٹھی جو ہم پر جھوٹے الزام لگانے والے کذابوں کے سر پر پڑی ہے

— President PMLN (@president_pmln) March 22, 2022

انہوں نے مزید کہا کہ مہنگائی کی ستائی قوم کے لاکھوں ڈالراور پاؤنڈز سیاسی انتقام پرضائع ہوئے،  یہ رقم سیاسی انتقام پر ضائع کرنے والوں سے وصول کرنی چاہیے۔

اپوزیشن لیڈر کا کہنا تھا کہ ہمارے خاندان، جماعت اور وابستہ ہرفرد کا 40 سال بے رحم اورکڑا احتساب کیا گیا، سب کچھ کرنےکے باوجود ایک دھیلے کی کرپشن کا نہ ہونا ایمانداری کا ثبوت ہے، یہ ہماری ملک وعوام کی خدمت کا اعتراف ہےجو اللہ تعالیٰ نے تفتیش کرنے والوں سے ہی کرایا، اسے کہتے ہیں اللہ کی لاٹھی جو ہم پرجھوٹے الزام لگانے والے کذابوں کے سرپرپڑی ہے۔

براڈ شیٹ کے سی ای او کے انکشافات نام نہاد احتساب کے نام پر نواز شریف اور خاندان کے سیاسی طور پر متاثرہ جادوگر کو بے نقاب کرتے ہیں
نواز شریف کو عوامی زندگی سے دور رکھنے کے لیے کرپشن کے الزامات لگائے گئے
اب جھوٹ، فریب اور کردار کشی کی ساری عمارت منہدم ہو چکی ہے https://t.co/Cu1EcAXwyo

— President PMLN (@president_pmln) March 22, 2022