اظہر علی کو پاکستان کے ٹاپ 5 ٹیسٹ بیٹرز میں شامل ہونے کیلئے 44 رنز درکار

تفصیلات کے مطابق اظہر علی سے قبل پاکستان کے صرف 4 بلے باز ہی ٹیسٹ کرکٹ میں 7 ہزار سے زائد رنز بناسکے ہیں۔ یونس خان ، جاوید میانداد، انضمام الحق اور محمد یوسف کے علاوہ کوئی بلے باز 7 ہزار رنز نہیں بناسکا ہے۔

پاکستان کی جانب سے یونس خان  نے 213 اننگز میں 10099، جاوید  میانداد نے 189 اننگز میں 8832، انضمام الحق نے 198 اننگز میں 8829 اور محمد یوسف نے 156 اننگز میں 7530 رنز بنائے۔

یاد رہے کہ اظہر علی ،حنیف محمد، انضمام الحق  اور یونس خان کے ہمراہ پاکستان کی جانب سے ٹرپل سنچری بنانے  والے بلے بازوں میں شامل ہیں۔