"چوہا نمبرون شہباز شریف وزیراعظم کے خواب دیکھ رہا تھا"

تفصیلات کے مطابق خیبرپختونخوا کے ضلع مانسہرہ میں پی ٹی آئی جلسے سے خطاب کرتے ہوئے وزیراعظم کا کہنا تھا کہ شہبازشریف نے اپنی اچکن سلوا لی تھی اور وہ وزیراعظم کے خواب دیکھ رہا تھا، بڑے بڑے اس نے بیان دیئے اس نے کہا کہ اگر میں ہوتا تو ایبسولوٹی ناٹ نہیں کہتا اور امریکہ کو ناراض نہ کرتا۔

انہوں نے کہا ہےکہ لگتا ہے شریف خاندان اب لندن میں جا کر سیاست کریگا، اگر انہوں نے لندن میں سیاست کی تو مجھے ڈر ہے برطانیہ پاکستان سے قرض مانگے گا۔

ان کا کہنا تھا کہ 27مارچ کو قوم نے ان چوہوں کو یہ بتانا ہے کہ وہ امر باالمعروف کے ساتھ کھڑی ہے، بڑوں سے کہہ رہا ہوں کہ آنے والی نسلوں کیلئے نکل کر چوہوں کو بتانا ہے کہ پاکستانی قوم سچائی کے ساتھ کھڑی ہے۔

وزیراعظم کا کہنا تھا کہ یہ لوگوں کے ضمیر کے سودے کرکے ملک کے نظام کو تباہ کرتے ہیں، یہ اپنی چوری چھپانے کیلئے پوری قوم کو تباہ کررہے ہیں،ان کی سیاست کا جنازہ نکل چکا ہے،اور اس جنازے پر نیا پاکستان کھڑا ہورہا ہے۔

ان کا مزید کہنا تھا کہ شہبازشریف کو تو جہاں بوٹ نظر آتے ہیں وہ پالش کرنا شروع کردیتے ہیں۔