مسلم لیگ ن کے اعلیٰ سطحی وفدکی چوہدری برادران سے ملاقات کی اندرونی کہانی سامنے آگئی

ذرائع کےمطابق ن لیگ کے وفد میں خواجہ آصف، سابق اسپیکر قومی اسمبلی سردار ایاز صادق، رانا تنویر، خواجہ سعد رفیق، رانا ثنا اللہ،خواجہ آصف  اور  عطا اللہ تارڑ شامل تھے۔

ق لیگ کی جانب سے ملاقات میں وفاقی وزرا چودھری طارق بشیر چیمہ اور مونس الٰہی، رکن قومی اسمبلی چودھری سالک حسین، حسین الٰہی، اور سینیٹر کامل علی آغا نے شرکت کی۔

ذرائع کا کہنا ہے کہ ملاقات میں تحریک عدم اعتماد سمیت ملک کی مجموعی سیاسی صورتحال پر تبادلہ خیال کیا گیا جبکہ دونوں جماعتوں کے مابین فیصلہ ہوا کہ آئندہ بھی مشاورتی کا عمل جاری رکھا جائے گا۔

ذرائع کے مطابق مسلم لیگ ن کے قائد نواز شریف نے حکومت کی اتحادی جماعت ق لیگ کو پنجاب کی وزارت اعلیٰ دینےکی حامی بھرلی ہے اور ن لیگی وفد نے چوہدری برادران کو نواز شریف کا یہی پیغام پہنچانا تھا۔

ذرائع ن لیگ کے مطابق جلد الیکشن کرانےکی شرط پر نواز شریف نے وزارت اعلیٰ دینےکی حامی بھری ہے، نئے انتخابات 3 سے 6 ماہ کے اندر کرائے جائیں گے۔