وزیر اعظم عمران خان کا قوم سے خطاب مؤخر

پاکستان تحریک انصاف (پی ٹی آئی) کے سینیٹر فیصل جاوید نے سماجی رابطے کی ویب سائٹ ٹوئٹر پر لکھا کہ وزیر اعظم نے قوم سے اپنا خطاب مؤخر کر دیا ہے۔

سینیٹر فیصل جاوید نے کہا کہ وزیر اعظم کا خطاب کچھ مصروفیات کی وجہ سے مؤخر کیا گیا ہے اور وزیر اعظم کا کوئی خطاب ریکارڈ نہیں کیا گیا,حکومت جا نہیں رہی پہلے سے زیادہ مضبوط ہونے جا رہی ہے۔

وزیراعظم عمران خان کا آج قوم سے خطاب موخر ہو گیا ہے-

— Faisal Javed Khan (@FaisalJavedKhan) March 30, 2022

اس سے قبل وزیر داخلہ شیخ رشید احمد نے کہا تھا کہ وزیر اعظم شام کو قوم سے خطاب کریں جبکہ کابینہ کا ہنگامی اجلاس بھی بلایا گیا۔

ان کا کہنا تھا کہ سیاست شروع ہو گئی ہے اور وزیر اعظم آج سنیئر صحافیوں سے ملاقات کر رہے ہیں۔ وزیر اعظم عمران خان آخری بال تک کھیلیں گے تاہم انتظار کریں سب کچھ سامنے آجائے گا۔