اسٹیبلشمنٹ  کی طرف سے عدم اعتماد، استعفیٰ اور الیکشن کی  آفر دی گئی:وزیراعظم

تفصیلات کے مطابق وزیر اعظم عمران خان نے نجی نیوز چینل کو دیے گئے انٹرویو میں انکشاف کیا ہے کہ اسٹیبلشمنٹ کی طرف سے انہیں عدم اعتماد، استعفیٰ اور الیکشن کی  آفر کی گئی۔

انہوں نے کہا کہ میرا جینا مرنا پاکستان کے ساتھ ہے، دورہ روس میرا اکیلے کا فیصلہ نہیں تھا، اس حوالے سے عسکری قیادت سے مشاورت کی گئی تھی۔

انہوں نے آرمی چیف کو ڈی نوٹیفائی کرنے کی بات کو ن لیگ کی ڈس انفارمیشن مہم قرار دیتے ہوئے کہا کہ آرمی سے تعلقات اچھے ہیں۔

انٹرویو میں اپوزیشن پر بات کرتے ہوئے وزیر اعظم نے کہا کہ اگر عمران خان ہٹ جائے تویہ ملک کیسے چلائیں گے؟ شہبازشریف بڑی دیر سے انتظار کررہاہے کہ وزیراعظم بنوں گا، فضل الرحمان صدر بنے کی تیاری کررہاہے۔

اپوزیشن لیڈر شہباز شریف سے بات چیت کے سوال پر وزیر اعظم کا کہنا تھا کہ شہبازشریف سے کسی بھی قسم کی بات چیت کرنے کے لیے تیارنہیں۔