قومی اسمبلی اجلاس، آج پارلیمان  نئی تاریخ رقم کرنے جا رہا ہے : شہباز شریف  

تفصیلات کے مطابق قومی اسمبلی اجلاس میں   شہباز شریف  نے  اظہار خیال کرتے ہوئے کہا  کہ آج پارلیمان آئینی و قانونی طریقے سے ایک سلیکٹڈ وزیراعظم کو شکست فاش دینے جا رہا ہے۔ پرسوں پاکستان کی تاریخ کا تابناک دن تھا، عدالت نے نظریہ ضرورت کو ہمیشہ کے لیے دفن کر دیا۔ 

متحدہ اپوزیشن کی قیادت اور پارلیمان کے ممبران اور قوم کو سلام پیش کرتا ہوں، آج سپریم کورٹ کے حکم کے تابع کارروائی چلائینگے۔ ان کا کہنا تھا کہ اگر یہ لوگ سازش کی بات کریں گے تو بات بہت دور تک جائے گی۔   یہ کہنا چاہتا ہوں جو ماضی میں ہوا وہ ہوا،  آج آئین و قانون و عدالت عظمیٰ کے فیصلے کے لیے کھڑے ہوجائیں، آج صحیح معنوں میں اسپیکر کا کردار ادا کرکے تاریخ کے سنہرے حروف میں نام لکھوا لیں۔

اس  موقع پر اپوزیشن لیڈر شہبازشریف نے قومی اسمبلی میں سپریم کورٹ کا فیصلہ بھی پڑھ کر سنایا۔

خیال رہے کہ اسپیکر قومی اسمبلی کی جانب سے گزشتہ روز آج ہونے والے اجلاس کا 6 نکاتی ایجنڈا جاری کردیا گیا تھا جس میں وزیراعظم کےخلاف عدم اعتماد پر ووٹنگ بھی شامل ہے۔