پاکستان تحریک انصف کے رہنما اور سابق اسپیکر قومی اسمبلی اسد قیصر کی دوبارہ گرفتاری پر پشاور ہائی کورٹ نے حکومت سے جواب مانگ لیا۔

پشاور ہائی کورٹ میں تحریک انصاف کے رہنما اور سابق اسپیکر قومی اسمبلی اسد قیصرکے خلاف موجودہ مقدمات میں گرفتار نہ کرنے کی درخواست پر سماعت ہوئی، جسٹس اشتیاق ابراہیم اور جسٹس صاحبزادہ اسد ال نے سماعت کی۔

جسٹس اشتیاق ابراہیم نے ریمارکس دیئے کہ یہ کیا مذاق ہے، ضمانت ملنے کے بعد دوسرے مقدمے میں گرفتار کرتے ہیں، قانون اس پر کیا کہتا ہے یہ دیکھیں گے۔

درخواست گزار اسد قیصر کے وکیل نے عدالت میں مؤقف اختیار کیا کہ ضمانت ملتے ہی دوسرے مقدمےمیں گرفتارکر لیا جاتا ہے، پہلے سے درج مقدمات میں گرفتار نہ کیا جائے۔

سرکاری وکیل نے مؤقف پیش کیا کہ اسد قیصر مقدمات میں نامزد ہیں اس لئے گرفتار ہوتے ہیں۔

اسد قیصر کے وکیل نے عدالت سے استدعا کی کہ اسد قیصر کی درخواست ضمانت پر کل سماعت ہوگی، کل ضمانت ملنے کے بعد دوسرے مقدمے میں گرفتاری روک دی جائے۔

جسٹس اشتیاق ابراہیم نے ریمارکس دیے کہ یہ کیا مذاق ہے، ضمانت ملنے کے بعد دوسرے مقدمے میں گرفتار کرتے ہیں، قانون اس پر کیا کہتا ہے یہ دیکھیں گے۔

جسٹس اشتیاق ابراہیم نے اسد قیصر کے وکیل سے کہا کہ آپ تیاری کرلیں اور حکومت جواب جمع کرائے، کیس کو آئندہ سماعت پر سنیں گے۔

عدالت نے حکومت سے جواب طلب کرکے سماعت 7 دسمبر تک ملتوی کردی۔

 سی ایس پی افسر بلال پاشا کی نماز جنازہ ان کے آبائی گاؤں کبیروالا کے نواحی علاقہ عبدالحکیم میں ادا کر دی گئی ہے ۔

بلا ل پاشا کی نماز جنازہ کے موقع پر شہریوں کی اور ضلع بھر کے افسران کی بڑی تعداد موجود تھی۔

موقع پر موجود لوگوں کا کہنا تھا کہ بلال پاشا ہمارے علاقہ کا فخر تھے اور ہم ایک انتہائی باصلاحیت نوجوان سے محروم ہو گئے ہیں۔

یاد رہے کہ بلال پاشا کی موت کے حوالے سے مختلف قیاس آرائیاں گردش کر رہی ہیں لیکن موت کی حتمی وجہ تحقیقات کے بعد ہی سامنے آسکے گی۔

فیصل آباد: فیصل آباد چیمبر آف کامرس اینڈ انڈسٹری کے صدر ڈاکٹر خرم طارق نے ٹیکس نیٹ میں اضافہ کیلئے نادرا اور ایف بی آر کی مشترکہ کمیٹی کے قیام کا خیر مقدم کیا ہے اورکہا ہے کہ اس میں بجلی کی متعلقہ تقسیم کار کمپنیوں کو بھی شامل کیا جائے اور گھریلو کے علاوہ دیگر کمرشل اور صنعتی کنکشن لینے والوں کیلئے متعلقہ چیمبر کی ممبرشپ لینے کی لازمی شرط عائد کی جائے۔

انہوں نے کہا کہ اس طرح نیا کاروبار شروع کرنے والے یا صنعت لگانے والے لازمی طور پر ٹیکس نیٹ میں آئیں گے اور اس کے بغیر ان کو کنکشن دیا ہی نہ جائے۔

انہوں نے کہا کہ اس وقت بھی فیسکو کے کمپیوٹرائزڈ ڈیٹا سے ان افراد کی بآسانی نشاندہی کی جاسکتی ہے جو کاروبار کر رہے ہیں مگر وہ ٹیکس نیٹ کا حصہ نہیں۔

انہوں نے بعض طبقوں کے ان خدشات کو دور کرتے ہوئے کہا کہ اگر کوئی بھی کم سے کم آمدنی والا شخص کاروبار سے مقررہ حد سے زیادہ کما رہا ہے تو اسے ٹیکس دینا پڑے گا جبکہ باقی نل کی فائل داخل کر سکتے ہیں اس طرح معیشت کو بھی دستاویزی شکل دینے میں مدد ملے گی۔