ترجمان پاک فوج کے بیان سے اتفاق کرتے ہیں: امریکہ 

تفصیلات کے مطابق امریکی محکمہ خارجہ کے ترجمان نیڈ پرائس نے  پریس کانفرنس کرتے ہوئے  کہا کہ پاکستان کے  نومنتخب وزیراعظم شہباز شریف کو عہدہ سنبھالنے پرمبارکباد پیش کرتے  ہیں ۔  امریکا اورپاکستان کے 75سال سے وسیع تر باہمی  تعلقات ہیں  اور امریکا پاکستان کے ساتھ اپنے تعلقات کو قدر کی نگاہ سے دیکھتا ہے۔ 

امریکی محکمہ خارجہ کے  ترجمان کا کہنا تھا کہ پاک فوج کے ترجمان کے بیان سے متفق ہیں،  سازش سے متعلق ہمارا پیغام اورموقف واضح ہے۔  پاکستان میں کسی ایک سیاسی جماعت کی حمایت نہیں کرتے بلکہ پرامن جمہوری اصولوں اورانسانی حقوق کوسپورٹ کرتے ہیں۔

محکمہ خارجہ کا ترجمان نے کہا کہ امریکا پرلگائے گئے الزامات میں کوئی صداقت نہیں ہے ۔ ہمارا موقف بالکل واضح ہے کہ پاکستان میں سیاسی حکومت کی تبدیلی میں امریکا کا کوئی کردار نہیں۔

ان کامزید کہناتھا کہ پاکستانی حکومت کے ساتھ مل کرپاکستان اورخطے میں امن اورخوشحالی کے لئے کام جاری رکھنا چاہتے ہیں۔ 

گزشتہ روز اہم پریس کانفرنس میں پاک فوج کے ترجمان میجر جنرل بابر افتخار نے کہا تھا کہ نیشنل سیکورٹی کمیٹی کے اعلامیے میں سازش کا لفظ نہیں ہے، فوج کو سیاست میں نہ گھسیٹا جائے، یہ سازش نہ پہلے کبھی کامیاب ہوئی تھی اور نہ اب ہوگی۔