گوگل نے صارفین کیلئے نیا فیچر متعارف کروادیا

غیر ملکی خبر ایجنسی  کے مطابق ، گوگل نے اپنے کروم ویب براؤزر میں لائیو کیپشن فیچر متعارف کروایا ہے۔گوگل  مئی 2020 سے کروم کے ڈیسک ٹاپ ورژن میں لائیو کیپشنز کی آزمائش  کر رہا تھا لیکن اس فیچر کی سہولت اب میسر ہوئی ہے ۔

جو بھی صارف ریئل ٹائم کیپشننگ فیچر سے فائدہ اٹھانا چاہتا ہے اسے کمپیوٹر یا لیپ ٹاپ پر کروم کا ورژن 89 انسٹال کرنا ہوگا، اس فیچر کو استعمال کرنے کے صارف گوگل  کروم کی " سیٹنگز"آپشن میں جا کر ایسسبیلیٹی  کے آپشن پر کلک کرکے  لائیو کیپشن کے آپشن کو ان ایبل یا ڈس ایبل کر سکتے ہیں ۔

اس فیچر کو ان ایبل کرنے کے  بعد  صارفین کو اپنے براؤزرز پر کوئی آڈیو یا ویڈیو چلاتے وقت انگریزی سب ٹائٹلز دیکھ سکیں گے۔

واضح رہے کہ لائیو کیپشن کا فیچر گوگل نے 2019 میں اینڈرائیڈ فون کے لئےمتعارف کروایا تھا ، جو ابتدائی طور پر پکسل 4 کے لئے دستیاب تھا۔

فیچر کو بعد میں دوسرے فونز جیسے گیلیکسی ایس 20 اور ون پلس 8 میں بھی متعارف کروایا گیا تھا۔ گوگل کروم کا یہ فیچر ان ویڈیوز پر بھی کام کرے گا  جن کو یوٹیوب اور فیس بک پر "میوٹ " کیا گیا ہو۔تاہم فی الحال یہ سہولت انگریزی زبان کے لئے دستیاب ہے۔