یوٹیلیٹی اسٹورزپررمضان پیکیج ختم، مختلف اشیاء کی قیمتوں میں اضافہ

اس حوالے سے جاری نوٹیفکیشن کےمطابق یوٹیلیٹی اسٹورز پر دال، بیسن اور کھجور پرسبسڈی ختم کردی گئی ہے ۔

یوٹیلیٹی اسٹورز پر دالوں کی قیمت میں 10  روپے فی کلو اضافہ کیا گیا ہے جس کے  بعد دال ماش 278 اور دال مونگ 170 روپے فی کلو ہوگئی ہے جبکہ  بیسن کی فی کلو قیمت میں 20 روپے کا اضافہ کیا گیا ہے جس سے بیسن اب 170 سے 190 روپے کلو ہوگیا  ہے۔

یوٹیلیٹی اسٹورز پر مختلف برانڈ کی اشیاء کی قیمتوں میں بھی اضافہ کیا گیا ہے جس کے تحت مختلف برانڈ کے کوکنگ آئل کی فی لیٹر قیمت میں 20 روپے تک کا اضافہ  ہواہے جب کہ مختلف برانڈ کا فی لیٹر دودھ بھی 20 روپے مہنگا ہوا ہے۔

کھجور کا500 گرام پیکٹ10 روپے مہنگا کردیا گیا ، یوٹیلیٹی اسٹورز پر950گرام چائے کی پتی67 روپے تک مہنگی کردی گئی، سفید زیرہ200 گرام کی قیمت میں 23 روپے تک کا اضافہ جبکہ  50 گرام الائچی کی قیمت18 روپےتک بڑھادی گئی۔ 

یوٹیلیٹی اسٹورز پر400 گرام مسالے کی قیمت میں36 روپے جبکہ  لال مرچ 200 گرام 18روپے،100گرام ہلدی کی قیمت 4 روپے تک کا اضافہ کیا گیا ہے۔ 

نوٹیفکیشن کےمطابق مختلف برانڈ کے 1500 ملی لیٹر کے شربت کی بوتل 51 روپے تک مہنگی ہوئی ہے جبکہ  شیمپو14 روپےتک مہنگا کردیا گیا۔ 

قیمتوں میں اضافے کا نوٹیفیکیشن جاری، اطلاق کردیا گیا۔