افغانستان میں سیلاب سے تباہی : پاکستان نے امدادی سامان کی پہلی کھیپ بھجوادی 

تفصیلات کے مطابق افغانستان کی نیشنل ڈیزاسٹرمینجمنٹ اتھارٹی کے مطابق رواں ہفتے ملک میں طوفانی بارشوں کے باعث مختلف واقعات میں کم سے کم 22 افراد ہلاک اور 40 زخمی ہوئے ہیں۔

کابل میں تعینات پاکستانی سفیر منصور احمد خان نے ٹوئٹر پرجاری ایک بیان میں  بتایا کہ پاکستان نے وزیراعظم شہباز شریف کی ہدایت پر پاکستان نے آج پہلا سی ون تھرٹی طیارہ افغانستان روانہ کیا ہے ، امدادی سامان میں حالیہ سیلاب سے متاثرہ افراد کے لیے خیموں، اشیائے خورونوش اور ادویات شامل تھیں۔

انہوں نے مزید بتایا کہ آنے والے دنوں میں مزید امدادی سامان لے کر ایک اور طیارہ افغانستان روانہ کیے جانے کا امکان ہے۔

واضح رہے کہ جمعرات کو وزیراعظم شہباز شریف نے پڑوسی ملک کے لیے امداد کا اعلان کیا تھا ۔ وزیر اعظم شہباز شریف نے کہا تھا  کہ پاکستان افغانستان کے سیلاب زدگان کی مدد کیلئے تمام ممکنہ کوششیں کرے گا۔