فیصل آباد میں ایس اوپیز کی خلاف ورزی پر دس شادی ہالز کو سیل کردیا گیا

جی این این کے مطابق پنجاب  میں کورونا کیسز میں اضافے کے پیش نظر بڑے شہروں میں  پابندیاں سخت کردی گئیں ہیں ،   فیصل آباد میں ضلعی انتظامیہ  کی جانب  سے شہر میں 6 اور صدر کے علاقہ میں چار میرج ہالز کے خلاف کارروائی کی گئی،ایس او پیز کی خلاف ورزی پر مقدمات بھی درج کیے گئے ہیں جبکہ  چار مینجرز کو گرفتار کر لیا گیا ہے ۔

دوسری جانب شہر اور تمام تحصیلوں میں ہفتہ اتوار کی  بجائے جمعہ اور ہفتہ کو مکمل مارکیٹیں بند ہوں گی ۔ اس حوالےسے گزشتہ روز چیمبر آف کامرس اور صوبائی وزیر خیال احمد کاسترو کی جانب سے ڈپٹی کمشنر سے ملاقات میں درخواست کی گئی تھی۔صوبائی وزیر خیال احمد کاسترو اور تاجروں کی استدعا پر پنجاب حکومت نے اتوار کو بازار کھولے رکھنے کی اجازت دے دی۔ ضلعی انتظامیہ کے مطابق تاجر تنظیموں کو روزانہ چھ بجے مارکیٹیں بند کرنے آگاہ کردیا گیا ہے ،  عملدرآمد نہ کرنے پر سخت کارروائی کی جائے گی۔  محکمہ پرائمری اینڈ سیکنڈری ہیلتھ نے چیمبر آف کامرس کی درخواست پر نوٹیفکیشن جاری کردیا گیا ہے ۔