عمران خان کہیں تو آدھے گھنٹے میں اسمبلی توڑ دوں گا:پرویز الٰہی

تفصیلات کے مطابق الیکشن کمیشن کے پاکستان تحریک انصاف کے اراکین کو ڈی سیٹ کرنے کے فیصلے پر ردعمل دیتے ہوئے اسپیکر  پنجاب اسمبلی چودھری پرویز الٰہی نے کہا ہے اگر عمران خان مجھے کہیں گے تو آدھے گھنٹے میں اسمبلی توڑ دوں گا۔

انہوں نے کہا کہ پنجاب میں نیا الیکشن ہو گا، الیکشن کمیشن ہمارے 5 نئے اراکین کا نوٹیفکیشن جاری کر دے گا، عمران خان کا امیدوار ہوں، اگر عمران خان مجھے کہیں گے تو آدھے گھنٹے میں اسمبلی توڑ دوں گا۔

اسپیکر پنجاب اسمبلی کا مزید کہنا تھا کہ الیکشن کمیشن نےمنحرف اراکین کو صرف ڈی سیٹ نہیں کیا بلکہ نااہل کر دیا ہے، ان ارکان کی سیاست اب ختم ہو گئی ہے، ن لیگ کے 7 سے 8 لوگ ہمارے ساتھ ہیں، وہ جب غیر حاضر ہوں گے تو ان کے مزید لوگ کم ہو جائیں گے۔