ٹیسلا گاڑیوں پر جاسوسی کے الزامات ثابت ہوگئے تو کمپنی بند کر دوں گا : ایلون مسک

تفصیلات کے مطابق ٹیسلا کمپنی پر الزامات لگائے گئے ہیں کہ ٹیسلا کی گاڑیاں چین کی جاسوسی کیلئے استعمال ہو رہی ہیں۔جس پر  میڈیا میں زیر گردش ان خبروں کے جواب میں ایلون مسک کی جانب سے یہ ردعمل دیا گیا ہے کہ اگر  ٹیسلا الیکٹرک گاڑیوں کا استعمال چین کی جاسوسی کیلئے ہونا ثابت ہو جائے تو وہ اپنی کمپنی بند کر  دوں گا۔

غیر ملکی میڈیا کہ مطابق  چینی فوج نے ٹیسلا کی الیکٹرک گاڑیوں پر پابندی عائد کر دی ہے۔ چینی فوج نے تحفظات کا اظہار کیا تھا کہ ٹیسلا کی گاڑیوں میں لگے کیمرے ڈیٹا کولیکشن کرتے ہیں۔

ایلون مسک کی جانب سے بطور درعمل بیان میں کہا گیا ہے کہ اگر کاروبار دوسرے ملکوں کی جاسوسی کیلئے کام کرنے لگے تو اس کے بہت ہی منفی اثرات مرتب ہو سکتے ییں۔

ایلون مسک کا ایک چینی بزنس فورم سے ویڈیو لنک کے ذریعے خطاب میں کہنا تھا کہ کاروبار کیلئے رازداری میں ہمارے لیے بہت سے فوائد ہیں۔ انہوں نے اعلان کیا کہ اگر ہماری گاڑیاں جاسوسی کیلئے استعمال ہوئیں تو میں اپنی کمپنی کو ہی بند کر دوں گا۔

یاد رہے کہ ٹیسلا نے تقریباً تین سال قبل 2018ء میں چین کے اندر اپنا کارخانہ لگانے کی منظوری لی تھی۔ ٹیسلا کمپنی واحد غیر ملکی کمپنی ہے جس کا چین میں مکمل پلانٹ لگا ہوا ہے۔