مریم نواز کی پیشی پر نیب آفس کے باہر احتجاج پرم امن ہوگا، رانا ثناء اللہ

مسلم لیگ ن کے رہنما رانا ثناء اللہ نے میڈیا سے گفتگو کرتے ہوئے کہا کہ  مریم نواز کی پیشی پر نیب آفس کے باہر احتجاج پر امن ہو گا ، ن لیگ کے ہزاروں کارکن نیب آفس کے سامنے جمع ہوں گے ۔یہ کوئی انصاف کا ادارہ نہیں ہے، یہ شہزاد اکبر کے انڈر کام کرنے والا ادارہ ہے، نیب نے جو نوٹس مریم نواز کو دیا ہے وہ بلکل غلط ہے، بد نیتی پر مبنی ہے، اگر نیب مریم نوز کو3 غیر آئینی نوٹس پر گرفتار کرتی ہے تو یہ غیر قانونی گرفتاری ہو گی، ہم اس کے خلاف احتجاج کریں گے۔

رانا ثنا اللہ نے کہا کہ ہماری اپنے وکلا سے میٹنگ ہوئی ہے ، وکلا نے جو مشورہ دیا ہے اس کے حوالے سے نواز شریف سے مشاورت ہو گی،اس کے بعد ہم اپنا لائحہ عمل دیں گے۔انہوں نے کہا کہ  میں اس بات کی ذمہ داری لیتا ہوں کے ہمارا کوئی بھی کارکن پرتشدد احتجاج نہیں کریں گا، پتھراؤں صرف ہمارے کارکنوں نے نہیں بلکہ پولیس نے بھی کیا تھا،مریم نواز کے ساتھ اظہار یکجہتی کیا جائے گا۔

مسلم لیگ ن کے رہنما رانا ثنا ءاللہ نے مزید کہا کہ  نیب کا کام صرف یہ ہے کو جو شہزاد اکبر ان کو کہیں صرف اس پر لوگوں کو نوٹس بھیجے،  نیب کا یہ ادارہ پٹ چکا ہے، اب اس پر کسی کو کوئی یقین نہیں، نیب کا ایس او پیز سے کیا تعلق ہے،ن لیگ کے ہزاروں کارکن نیب آفس کے سامنے جمع ہوں گے، ہمارے کارکن کو نہ روکا جائے ، وہاں لوگ مریم نواز کے ساتھ اظہار یکجتی کے لیے جمع ہونا چاہتے ہیں، انتظامیہ نے اگر کوئی کھیل کھیلا تو اس کے ذمہ دار چئیرمین نیب ہوں گے۔

رانا ثنا اللہ کا میڈیا سے گفتگو کرتے ہوئے کہنا تھا کہ  پی ڈی ایم کی کشتی میں جو سوراخ ہوا تھا وہ فضل الرحمان نے بھر دیا ہے،فضل الرحمان نے بطور صدر اعلان کیا کے باقی پارٹی کے اراکین بھی ساتھ جائیں گے، جو دوست آئے گے وہ ہمارے لیے عزت کا باعث ہونگے۔

رانا ثناءاللہ نے کہا کہ  ہم کیوں کہیں مائنس پیپلز پارٹی، جب وہ کہہ رہی ہے کے ہم ہر لحاظ سے پی ڈی ایم کے ساتھ ہے، صرف استعفے پر اختلاف ہیں، جو ویڈیو نیب کے چئیرمین کی بنائی تھی حکومت نے اس کے بعد جو شہزاد اکبر کہہ رہا ہے وہ کرتے جا رہے ہیں،وہ بابا رحمتہ جو ہیں وہ اب کسی جنازے میں نہیں جاتا، وہ اب گھر سے نکلنے کے قابل نہیں ہیں،آپ اپنی عاقبیت کو سنبھالے اور شہزاد اکبر کے ہاتھوں غیر قانونی نوٹس نکالنا بند کریں، ہم نے یہ تمام ظلم برداشت کیا ہے اور ہم اپنی پوری قوت سے کھڑے ہیں، اب حکومت کے جانے کا وقت آ چکا ہیں۔