دنیا کومقبوضہ کشمیر میں سیاسی قیدیوں کیساتھ بھارتی حکومت کے ناروا سلوک کانوٹس لینا چاہیے : وزیراعظم 

تفصیلات کے مطابق سماجی رابطے کی ویب سائٹ ٹوئٹر پر ایک پیغام میں  وزیراعظم  شہباز شریف نے کہا کہ ممتاز کشمیری رہنما یاسین ملک کو دہشت گردی کے جھوٹے الزامات میں سزا ، بھارت کی طر ف سے انسانی حقوق کی کھلم کھلا پامالیوں کے خلاف صدائے احتجاج بلندکرنے والوں کی آواز خاموش کرنے کی ناکام کوشش ہے۔

انہوں نے کہا کہ اس حوالے سے مودی حکومت سے جواب دہی ہونی چاہیے۔

World should take note of Indian govt's mistreatment of political prisoners in IIOJK. Conviction of prominent Kashmiri leader Yasin Malik on fake terrorism charges is futile effort 2 silence voices critical of India's blatant human rights abuses. Modi regime must b held 2 account

— Shehbaz Sharif (@CMShehbaz) May 23, 2022

واضح رہے کہ کُل جماعتی حریت کانفرنس نے حریت رہنما یاسین ملک کو سزا سنائے جانے کے خلاف مقبوضہ کشمیر میں منگل کو مکمل ہڑتال کی اپیل کر رکھی ہے ۔

بھارتی تحقیقاتی ادارے  کی عدالت نے یکطرفہ ٹرائل کے بعد 19 مئی کو یاسین ملک کو جھوٹے مقدمے میں مجرم قرار دیا تھا۔بھارتی عدالت میں یاسین ملک کی سزا سنانے کی سماعت 25 مئی کو ہوگی۔