وزیر اعظم نےسلمان صوفی کو پرائم منسٹر سٹریٹجک ریفارمز کا سربراہ مقررکردیا

وزیراعظم آفس کے میڈیاونگ سےجاری بیان کے مطابق  وزیراعظم شہبازشریف نے سلمان صوفی کی تعیناتی کی منظوری  دے دی ۔ سلمان صوفی رضاکارانہ طور پر یہ ذمہ داری سرانجام دیں گے۔

اعلامیے کے مطابق سلمان صوفی، مدر ٹریسا ایوارڈ یافتہ ماہر پبلک پالیسی ہیں جو سماجی فلاح کے منفرد منصوبوں کو متعارف کروانے میں ممتاز مقام رکھتے ہیں۔

انہوں نے پنجاب ویمن پروٹیکشن ایکٹ، وائلنس اگینسٹ ویمن سنٹر، ویمن آن ویلز اور شہر خموشاں سمیت بہت سے عوام دوست منصوبے متعارف کروائے ہیں۔ وہ شہباز شریف کے پنجاب وزارت اعلی کے دوران ڈی جی سٹریٹجک ریفارم یونٹ تعینات تھے۔

انہیں وائٹل وائسز ایوارڈ سے بھی نوازا  جاچکا ہے ۔

سلمان صوفی کو دنیا میں عورتوں کے حقوق کیلئے کام کرنے والے پانچ ممتاز افراد میں شامل کیاگیا جس میں موجودہ امریکی صدر جو بائیڈن بھی شامل ہیں ۔