فیس بک نے ایک ارب سے زائد اکاؤنٹس ڈیلیٹ کر دیئے

تفصیلات کے مطابق  فیس بک کی جانب سے اپنے صارفین کو  بلاگ پوسٹ میں بتایا گیا کہ گزشتہ برس اکتوبر سے دسمبر تک ایک ارب 3 کروڑ جعلی اکاؤنٹس ڈیلیٹ کیے ہیں جن کا تقریباً 35 ہزار افراد  غلط استعمال کر رہے تھے۔

فیس بک کے مطابق کمپنی نے کورونا اور ویکسین سے متعلق ایک کروڑ 20 لاکھ مواد بھی ڈیلیٹ کیا ہے۔

یاد رہے  کہ کورونا وائرس اور ویکسین سے متعلق جھوٹے دعوےسوشل میڈیا پلیٹ فارمز کی زینت بنے ہوئے ہیں جب کہ  اس سے قبل یوٹیوب بھی گزشتہ 5 ماہ کے دوران کورونا ویکسین سے متعلق 3000 غلط معلومات پھیلانے والی ویڈیوز کو ڈیلیٹ کرچکی ہے۔