انگلینڈ کی ٹیم نے ون ڈے کی تاریخ کا سب سے بڑا اسکور بنا دیا

نیدرلینڈز کے دورے پر موجود انگلینڈ کرکٹ ٹیم نے ایمسٹل وین میں پہلے ون ڈے میچ میں نیدرلینڈز کے خلاف 498 رنز بناکر ایک روزہ کرکٹ میں سب سے بڑے ٹارگٹ ریکارڈ اپنے نام کر کیا ہے.

انگلینڈ ٹیم نے پہلے کھیلتے ہوئے مقررہ 50 اوورز میں 4 وکٹوں کے نقصان پر 498 رنز بنائے جن میں انگلش ٹیم کے 3 بلے بازوں نے سنچری اسکور کیے، انگلش ٹیم کی جانب سے جوزبٹلر نے سب سے زیاہ 162 رنز، ڈیوڈ ملان نے 125 اور فل سالٹ نے 122 رنز بنائے۔

یاد رہے کہ اس سے قبل بھی انگلش ٹیم نے 2018ء میں آسٹریلیا کے خلاف 481 رنز کا ٹارگٹ سیٹ کیا تھا، انگلینڈ کی ٹیم ون ڈے کرکٹ میں پانچویں مرتبہ 400 سے زائد رنز بنا چکی ہے۔

علاوہ ازیں انگلش ٹیم نے ایک اننگز میں سب سے زیادہ چھکوں کا بھی نیا ریکارڈ بنا ڈالا ہے، نیدرلینڈز کےخلاف انگلش ٹیم نے ایک اننگز میں 26 چھکے لگائے،قبل ازیں انگلش کرکٹ ٹیم نے افغانستان کے خلاف ایک اننگز میں 25 چھکے لگائے تھے۔