عدالتی فیصلے نے سیاسی بحران میں مزید اضافہ کر دیا : فواد چودھری

تفصیلات کے مطابق سابق وفاقی وزیر فواد چوہدری نے  سماجی رابطے کی ویب سائٹ پر پیغام میں لاہور ہائیکورٹ کے فیصلے کے حوالے سے بات کرتے ہوئے  کہا کہ حمزہ کی حکومت برقرار نہیں رہی لیکن جو حل دیا گیا ہے اس کے نتیجے میں بحران ختم نہیں ہو گا۔ 

فواد چوہدری نے کہا کہ  اس فیصلے میں کئی  خامیاں ہیں لیگل کمیٹی کی میٹنگ بلا لی ہےہائیکورٹ کے فیصلے میں خامیوں کو لے کرسپریم کورٹ سے رجوع کریں گے۔

ہائیکورٹ کے فیصلے نے پنجاب میں سیاسی بحران میں مزید اضافہ کر دیا ہے، حمزہ کی حکومت برقرار نہیں رہی لیکن جو حل دیا گیا ہے اس کے نتیجے میں بحران ختم نہیں ہو گا ، اس فیصلے میں کئ خامیاں ہیں لیگل کمیٹی کی میٹنگ بلا لی ہےہائیکورٹ کے فیصلے میں خامیوں کو لے کرسپریم کورٹ سے رجوع کریں گے

— Ch Fawad Hussain (@fawadchaudhry) June 30, 2022

پی ٹی آئی رہنما نے یہ بھی کہا کہ اگر حمزہ وزیر اعلیٰ نہیں رہا تو نگران وزیراعلیٰ کے طور پر عثمان بزدار عہدے پر بحال ہیں، انہوں نے مزید  کہا کہ اس اسمبلی میں نئے وزیر اعلیٰ کا انتخاب بہت مشکل ہے، اب بھی نئے انتخابات ہی راستہ ہیں ۔

اگر حمزہ وزیر اعلیٰ نہیں رہا تو نگران وزیر اعلی کے طور پر عثمان بزدار اپنے عہدے پر بحال ہیں اس اسمبلی میں نئے وزیر اعلیٰ کا انتخاب بہت مشکل ہے اب بھی نئے انتخابات ہی راستہ ہیں

— Ch Fawad Hussain (@fawadchaudhry) June 30, 2022

واضح رہے کہ لاہور ہائی کورٹ نے وزیرِ اعلیٰ پنجاب حمزہ شہباز کے الیکشن کے خلاف پاکستان تحریکِ انصاف کی درخواستیں منظور کر لیں۔