تحریک انصاف کا آج اسلام آباد میں پاورشو ، تیاریاں مکمل

جی این این کے مطابق ملک میں سیاسی عدمِ استحکام، بد ترین لوڈ شیڈنگ اور تیل کی قیمتوں میں بے پناہ اضافے کے خلاف پی ٹی آئی کی جانب سے احتجاجی جلسہ آج پریڈ گراؤنڈ میں منعقد کیا جارہا ہے۔

 عمران خان  انتظامات کا جائزہ لینے رات گئے جلسہ گاہ پہنچے ، جہاں کارکنوں نے  پرجوش استقبال کیا ۔   تحریک انصاف کے رہنما اسدعمر کہتے ہیں عمران خان ریلی کی قیادت کرتے ہوئے جلسہ گاہ پہنچیں گے۔ 

چیئرمین تحریک انصاف اور سابق وزیر اعظم عمران خان نے راولپنڈی سے پریڈ گراؤنڈ تک ریلی کی قیادت کا اعلان کیا ہے جس کا باقاعدہ شیڈول بھی جاری کردیا گیا ہے ۔  شیڈول کے مطابق چیئرمین عمران خان کا خطاب پریڈ گراؤنڈ سے براہ راست  دوسری شہروں میں بڑی اسکرین پر 2 رات سات بجے دکھایا جائے گا۔

اس سے قبل سماجی رابطے کی ویب سائٹ پر اپنے ایک پیغام میں سابق وزیراعظم اور چیئرمین پی ٹی آئی عمران خان نے کہا ہے کہ حقیقی آزادی ایک خودمختار پاکستان کی جدوجہد ہے۔

I request all Pakistanis living in Pakistan and across the world to donate & support PTI's fight for Haqiqi Azadi. This is a struggle for a sovereign Pakistan - please play your part in this Jehad.
@PTIKhurshidAlam is chairman of the PTI fundraising committee. pic.twitter.com/CBmNKOtFLJ

— Imran Khan (@ImranKhanPTI) July 2, 2022

خیال رہے کہ  اسلام آباد میں پالیسی انسٹیٹیوٹ کے زیراہتمام ویبینار سے خطاب میں عمران خان کا کہنا تھا کہ اس وقت یہ بحث جاری ہے کہ اس ملک کے ساتھ ہوا کیا ہے۔ عمران خان کا کہنا تھا کہ ہمیں بتایا گیا کہ ہماری حکومت مہنگائی کنٹرول کرنے کی اہل نہیں مگر اب دو مہینے میں اتنی مہنگائی ہو گئی ہے جتنی ہمارے ساڑھے تین سال میں نہیں تھی۔

انہوں نے کہا کہ جو قیمت اس وقت قوم مہنگائی اور لوڈشیڈنگ کی صورت میں ادا کر رہی ہے اسکا ذمہ دار کون ہے؟ سب کو خوف ہے کہ ہماری معیشت سری لنکا کے حالات کی طرف جارہی ہے۔

چیئرمین تحریک انصاف کا کہنا تھا کہ اگر ایسا ہوا تو سب سے بڑا مسئلہ نیشنل سیکیورٹی کیلئے ہوگا، ملٹری سیکیورٹی ایک طرف ہے، معاشی سیکیورٹی اتنی ہی اہم ہے۔

سابق وزیراعظم نے گزشتہ روز  ایک بیان جاری کرتے ہوئے  عوام سے اپیل کی تھی کہ وہ آج مہنگائی کے خلاف پی ٹی آئی کے احتجاج میں شامل ہوں۔ انہوں نے امید ظاہر کی کہ پریڈ گراؤنڈ میں ایک تاریخی اجتماع ہوگا۔