چیئرمین جوائنٹ چیفس آف اسٹاف کمیٹی کا ایران کا سرکاری دورہ

پاک فوج کے شعبہ تعلقات عامہ (آئی ایس پی آر) کے مطابق دورہ ایران کے دوران جنرل ندیم رضا کی ایران کے صدر سید ابراہیم ساداتی سے ملاقات ہوئی ہے۔

آئی ایس پی آر کے مطابق اس ملاقات کے دوران  خطے کے سیکیورٹی ماحول، دو طرفہ سیکیورٹی و دفاعی تعاون پر بات چیت کی گئی ہے۔

آئی ایس پی آر نے بتایا کہ اس ملاقات میں دونوں جانب سے بامعنی،دیرپا سیکیورٹی اور دفاعی تعاون کے آغاز کی خواہش کا اظہار بھی کیا گیا ہے۔

آئی ایس پی آر کا کہنا تھا کہ ایران کے سرکاری دورے کے دوران جنرل ندیم رضا کی ایرانی وزیر دفاع ، چیف آف جنرل اسٹاف، اسلامی انقلابی گارڈ کے سربراہ، ایران کی بحری و فضائی افواج کے سربراہان سے الگ الگ ملاقاتیں بھی ہوئیں۔

آئی ایس پی آر کے مطابق ان ملاقاتوں میں پاک ایران فوجی روابط کے فروغ پر بات چیت کی گئی اور اس بات پر اتفاق کیا گیا کہ مشترکہ سرحدیں یقینی طور پر امن و دوستی کی سرحدیں ہونی چاہیے۔

آئی ایس پی آر نے بتایا کہ اس موقع پر ایران کی فوجی قیادت نے پاکستان کی مسلح افواج کی پیشہ ورانہ مہارت  کو سراہا اور ساتھ ہی ایرانی  عسکری قیادت نے دہشت گردی کیخلاف  جنگ میں افواج پاکستان کی قربانیوں کو تسلیم کیا ۔

آئی ایس پی آر کے مطابق ایران کے جنرل اسٹاف ہیڈکوارٹر میں جنرل ندیم رضا کو گارڈ آف آنر بھی پیش کیا ۔