تحریک انصاف نے عمران اسماعیل کو اہم عہدے سے نواز دیا

سماجی رابطے کی ویب سائیٹ ٹوئیٹر پر جاری پیغام میں سابق وفاقی وزیر اطلاعات فواد چودھری نے کہا کہ عمران اسماعیل کو تحریک انصاف کا ایڈیشنل سیکرٹری جنرل مقرر کر دیا گیا ہے۔

انہوں نے کہا کہ عمران اسماعیل کی پارٹی کے ایڈیشنل سیکرٹری جنرل کے اہم عہدے پر تقرری چئرمین پاکستان تحریک انصاف عمران خان کی منظوری سے کی گئی ہے۔

عمران اسماعیل نے بھی نیا عہدہ ملنے پر چیئرمین تحریک انصاف کا شکریہ ادا کرتے ہوئے کہا کہ عمران خان کے منشور کے مطابق پارٹی کو نچلی سطح تک مضبوط بنائیں گے۔